兩地通關在即 中原十大屋苑周末睇樓錄553組

兩地通關在即 金融市場回穩

中原十大屋苑周末睇樓量錄553組 按周升4.9%

中原地產十大屋苑本周末睇樓量錄得553組預約，較上周末再升4.9%，數字連升4周，本周末有半數屋苑睇樓氣氛回升，睇樓客歡迎是康怡花園，按周升幅逾3成。中原地產亞太區副主席兼住宅部總裁陳永傑表示，全球金融市場逐步回穩，樓市交投再次轉旺，多個一手新盤魚貫登場，相信只要開價克制，定可被市場購買力吸納，加上兩地通關在即，樓市仍有一定上升動力，吸引有意入市的買家頻頻出動睇樓，令睇樓量持續向升，有利二手交投加快。

港島區方面，中原地產太古城區資深區域營業董事趙鴻運表示，太古城12月暫未錄得成交。太古城近月成交量平穩，維持約20宗成交。臨近年底，發展商繼續積極推盤，港島區亦即將有2個新盤短時間內登場，相信有助帶動二手成交。太古城本週預約睇樓量錄得30組，每呎實用叫價20300元，與上週相若。

中原地產康怡康安街分行首席分區經理楊文傑表示，康怡花園12月暫未錄得成交。市場憧憬聖誕假期前後可通關，準買家即加快入市步伐，積極睇樓覓盤，欲通關前偷步入市。康怡花園本週預約睇樓量錄得80組，按周上升33.3%，每呎實用叫價18000元，較上周跌1.1%。

九龍區方面，中原西九龍美孚萬事達第三分行副分區營業經理馮健平表示，美孚新邨本月率先打破二手悶局，暫錄1宗成交。本周末未有大型新盤推售，市場焦點重回二手市場，區內睇樓氣氛平穩，美孚新邨本周末睇樓量維持70組預約，每呎實用叫價輕微回落至13900元水平，料區內二手交投平穩。

中原地產黃埔第三分行B組分行經理袁顯岸表示，黃埔花園本月暫未錄得買賣成交，交投靜局，全因二手業主叫價傾向強硬，部份放盤鐵價不二，令屋苑交投步伐難以加快，加上一手市場有多個新盤排隊登場，進一步分散二手客源，區內睇樓氣氛平靜。黃埔花園本周末睇樓量錄40組預約，按周跌2成，每呎實用叫價維持18300元。

新界區方面，中原地產沙田城分行資深區域營業經理黎宗文表示，臨近年尾，樓市交投氣氛向好，買家入市心態正面，屋苑12月份暫未錄成交，週末錄約35組睇樓量，較上星期升約16.7%，平均實用叫價約18200元水平，現時區內睇樓氣氛略為升溫，但預期月尾受聖誕新年節日氣氛影響而回落，料本月交投量與上月相若。

中原地產天水圍副區域營業董事伍耀祖表示，嘉湖山莊本月暫錄2宗成交。最近股票市場轉穩，市場氣氛改善，加上部份新盤客回流二手市場，嘉湖山莊睇樓活動及成交量有所回升，但升幅輕微，因元朗區新盤開售在即，不少客人傾向等待新盤開價後再作入市決定，嘉湖山莊市況未算太活躍，本周末錄約130組睇樓預約，較上周微增10組或8%，每呎實用叫價則維持於1.3萬元水平，料本月交投平穩。

附表：十大屋苑周末睇樓量及平均叫價